Shefi i grupit parlamentar të Lidhjes Demokratike të Kosovës Arben Gashi ka reaguar ndaj kryeministrit në detyrë, në lidhje me vizitat që po i bënë në komunat e Kosovës, transmeton Fokusi.info.
Përmes një shkrimi në Facebook, Gashi ka thënë se ky veprim i Kurtit është i rrezikshëm në kohën kur virusi Korona është në pikën më kritike të përhapjes së tij në Kosovë.
Madje Gashi ka marrë edhe një shembull duke krahasuar mbledhjet e qeverisë në distancë dhe vizitat e Albin Kurtit në komuna të ndryshme.
Shkrimi i plotë i tij:
“Nëse Qeveria mbanë mbledhjet (me 18 anëtar të Qeverisë) në distancë, si masë mbrojtëse kundrejt Covid-19, bën thirrje në vazhdimësi për respektim të masave të ndermarra nga institucionet relevante për të qëndru në shtëpi, qysh mundet me arsyetu shetitjen nëpër komuna të Kosovës – ku bashkë me delegacion pritës bëhen rreth 50 zyrtar, pikërisht në javët më kritike të përhapjes potenciale të virusit?”
