Gazetari Ilir Mirena ka thënë se njerëzit duhet të mbahen përgjegjës për paraqitjet e tyre në studiot televizive.
Duke iu referuar paraqitjes së Imer Imerit, i cili tha se është dëshmitar në Gjykatën Speciale në një studio, ai tha se nuk e kupton pse ndodh kaq lehtë kjo gjë.
“Turlifar matrapazi e klloshari gjuan gurë në të shmajtë e në të djathtë kundër UÇK-së”, tha ai në Pressing.
“E pamë mbrëmë. Imeri Imeri u paraqit dhe fliste lirshëm pa pasur pikë përgjegjësie. Një avokat aty, që ka qëndruar në mbajtje për abuzim me një të mitur, që fliste me kompetencë për raste që janë mbi të. Këtu duhet të japë përgjegjësi dikush. Pse del dikush flet çfarë të dojë në televizione dhe nuk ka fare hatërmbetje”, shtoi ai.
