Ushtria amerikane i është bashkuar një hetimi për një aeroplan që u rrëzua në Lindjen e Afganistanit të hënën.
Një zëdhënës i talibanëve, Zabihullah Mujahid, tha në një deklaratë të postuar në internet: “Një aeroplan pushtues amerikan është rrëzuar. Shumë oficerë janë vrarë. ”
Ai pretendoi se oficerë të lartë të CIA-s kishin qenë në bord në aeroplan. As pamjet dhe pretendimet e tij nuk mund të verifikohen.
Zyrtarët lokalë fillimisht thanë që avioni që rrëzua në Deh Yak i përkiste linjës ajrore shtetërore Ariana.
Por linja ajrore e mohoi këtë. Mirëais Mirzekëal, shefi ekzekutiv i Ariana, i tha Reuters: “Nuk i përket Arianës sepse dy fluturimet e menaxhuara nga Ariana sot nga Herat në Kabul dhe Herat në Delhi janë të sigurta.”
Kjo gjë nxiti ngritjen pyetjeve në lidhje me origjinën e avionit dhe shkakun e rrëzimit.
Agjensia iraniane e lajmeve Fars postoi pamje të cilat thoshte se ishin të avionit të rrëzuar ku dukeshin shenja të Forcave Ajrore të SHBA.
https://twitter.com/FarsNews_Agency/status/1221778990375063552
Videot dhe imazhet e postuara në llogaritë e mediave sociale në Fars, duket se tregojnë një aeroplan Bombardier E-11A i cili është një nga aeroplanët Forcave Ajrore të SHBA.
Ushtria amerikane përdor këtë lloj aeroplan për mbikëqyrje elektronike mbi Afganistanin.
Fshati në të cilin u rrëzua avioni, në jug-perëndim të kryeqytetit Kabul, është në një zonë me një prani të fortë talebanësh.
Një gazetar lokal, i tha The Guardian se ai pa dy trupa por të tjerët kishin numëruar gjithsej pesë.
Talibanët janë raportuar herë pas here se kanë armë kundër ajrore, përfshirë raste kur ata qëlluan raketa Stinger gjatë okupimit rus të viteve 1980.
Në vitin 2007, luftëtarët talibanë mendohej se kishin përdorur një raketë tokë-ajër për të rrëzuar një helikopter britanik Chinook, duke vrarë të gjithë në bord.
Qeveria afgane fillimisht tha se një avion pasagjerësh që transportonte më shumë se 80 njerëz ishte rrëzuar, por tërhoqi njoftimin disa orë më vonë. /Opinion.al
