Ambasadori amerikan në Gjermani, Richard Grenell, të enjten do të takohet me kreun e LDK-së, Isa Mustafa.
I dërguari i posaçëm i Shteteve të Bashkuara të Amerikës për dialogun Kosovë-Serbi, Richard Grenell, po qëndron në Prishtinë.
Pas gjysmë ore, Grenell do të takohet me presidentin e Kosovës, Hashim Thaçi.
Grenell sonte në Prishtinë, e nisë vizitën me një darke me Thaçin
Mirëpo, takimet ambasadori Grenell do t’i vazhdojë edhe nesër, raporton lajmi.net.
Lidhja Demokratike e Kosovës (LDK), ka bërë të ditur se nesër me fillim prej orës 11:30, Grenell do të takohet me Isa Mustafën.
LDK-ja nuk ka dhënë asnjë detaj shtesë në lidhje me këtë takim mirëpo, si duket ky do të jetë takim ku do të diskutohet situata aktuale politike në Kosovë, e në veçanti moskrijimi i institucioneve të reja për shkak të mosarritjes së marrëveshjes në mes të Lëvizjes Vetëvendosje dhe LDK-së.
Theksojmë se Grenell, ishte takuar me Agim Veliun, Skënder Hysenin e Avdullah Hotin në ambasadën e Amerikës në Gjermani më 3 janar të këtij viti.
