Sot në Kosovë pritet të mbajë mot i vranët.
Sipas Institutit Hidrometeorologjik të Kosovës, vende-vende pritet të ketë edhe fjolla të dobëta bore.
Minimalet për këtë ditë do të luhaten ndërmjet -2 deri në -1 gradë celsius, ndërkaq ato maksimale do të luhaten ndërmjet 1 deri në 2 gradë.
“Mot kryesisht i vranët dhe i ftohët do të na shoqëroj gjatë javës që po na pretë. Kjo situatë meteorologjike vjen si pasojë e prezencës së masave të ftohta të ajrit me origjinë nga veriu i kontinentit. Parashihet që herë pas here të ketë fjolla të dobëta bore, sidomos në fillim javë dhe gjatë vikendit”, thuhet në njoftimin e Institutit Hidrometeorologjik të Kosovës.
Do të fryjë erë e lehtë kryesisht nga verilindja.