Sot në Kosovë do të mbajë mot kryesisht me diell, por mjaft i ftohtë për shkak të erërave të ftohta veriore dhe depërtimit të ajrit të ftohtë siberik. Temperaturat do të vazhdojnë të pësojnë ulje dhe ajo maksimale vetëm në ndonjë rajon në Dukagjin mund të kalojë në plus.
Në Shqipëri, Maqedoninë Veriore dhe Mal të Zi sot pritet të mbajë mot me intervale kohore me diell dhe vranësira. Do të jetë mjaft ftohtë krahasuar me ditët e kaluara.
Të shtunën do të kemi shtim të madh të vranësirave të cilat na i sjellë cikloni dimëror më i fuqishëm për këtë dimër për rajonin tonë. Në Shqipëri do të fillojnë reshjet e borës, në bregdet fillimisht reshje shiu, pastaj edhe reshje bore. Në mbrëmje reshjet e borës do të përfshijnë bregdetin verior të Shqipërisë duke përfshirë edhe kryeqendrën shqiptare Tiranën. Gjatë natës reshje të borës priten në shumicën absolute të territorin të Shqipërisë duke përfshirë edhe shumicën absolute të bregdetit. Në tërë territorin e Shqipërisë pritet stuhi e vërtetë dimërore, ndërsa stuhi intensive me reshje të dendura bore priten sidomos në jug dhe juglindje të vendit ku trashësia e borës mund të arrijë deri në gjysmë metër. Edhe bregdeti shqiptar do të ketë shtresa bore vende-vende solide.
Reshje të dendura bore do të përfshijnë edhe krejt territorin e Maqedonisë së Veriut, veçanërisht perëndimin, jugperëndimin dhe veriperëndimin e vendit. Edhe në Maqedoni pritet skenar i vërtetë dimëror. Reshjet e borës do të përfshijnë edhe tërë territorin e Malit të Zi, por nuk priten reshje të mëdha.
Edhe në Kosovë të shtunën vranët dhe ftohtë. Gjatë ditës fillimisht në Dukagjin e pastaj në tërë territorin do të fillojnë reshjet e borës. Gjatë natën në shumicën absolute të territorin të Republikës së Kosovës priten reshje të qëndrueshme bore me erëra të akullta veriore.
Të dielën na pret një mot i vërtetë dimëror ashtu siç e keni pritur për një kohë të gjatë si në viset kontinentale e deri në viset më të thella bregdetare. Do të jetë ftohtë, me erëra të akullta veriore dhe verilindore dhe me reshje bore, vende-vende ende mjaft intensive. Pasdite reshjet do të fillojnë të dobësohen duke filluar nga veriu i Kosovës.
Të hënën pritet mot shumë i ftohtë, me acar siberik, intervale kohore me diell, erëra të ftohta veriore dhe verilindore dhe mundësi për ndonjë fjollë lokale dëbore.
Do të jetë ky një ciklon që do të mbahet mend gjatë për rajonet mesdhetare, sepse për viset tona kontinentale është një ciklon nëse mund të themi i zakonshëm por i fortë dimëror./Meteoballkan
