Deputetja e Partisë Demokratike të Kosovës, Ganimete Musliu, komenton reagimet lidhur me vrasjen e 18-vjeçares nga Ferizaj.
Përmes një postimi në Facebook, Musliu thotë se në vendin tonë ka reagime selektive, drejtësi selektive dhe mentalitet të rrezikshëm.
Këtë e thotë pasi sipas saj, kur është kërcënuar me likuidim fizik disa kolege të saj nuk kanë reaguar fare, ndërsa sot thotë se po derdhin lot krokodili, shkruan Fokusi.info.
Postimi i plotë:
“Para një muaji pata kërcnim për likuidim fizik, se do të me pritet koka me sepat. Nje person u arrestua u mor ne pyetje dhe u dergua në mbajtje.
Pat reagime nga nje pjese e konsiderueshme e shoqerise por për qudi nuk pashe reagime nga disa gra, perfshi edhe disa kolege të mia, qe sot qesin lot krokodili e reagojne ashper në rrjete sociale per vrasjen e “vajzes nga Ferizaj” siq po raportohet.
Une kam vetem nje pyetje: A duhet të vdesin grate e vajzat qe ne të behemi interesant me reagimet tona ne rrjete sociale si shoqeri?
Ngushellime Familjes për humbjen tragjike të vajzës. Besoj qe organet kompetente do kryejnë punën e tyre dhe dorasit të marrin denimin i cili do jetë mësim për të gjithë ata që ngrehin dorë mbi vajzat dhe gratë në të ardhmen.
#reagimeselektive, #drejtesikolektive, #mentalitetirrezikshem”.
