Ka ndërruar jetë veterani i Ushtrisë Çlirimtare të Kosovës, Enver Xhota nga fshati Dritan (Dobroshec) i Komunës së Drenasit, shkruan Fokusi.info.
Lajmi është bërë i ditur nga kryetari i OVL së UÇK’së në Drenas, Enver Hajdari përmes një postimi në Facebook.
“Paska ndërruar jetë, veterani i UÇK-së, Enver Xhota nga fshati Dritan ish Dobroshec. Ikja e papritur e Enverit nga kjo botë është humbje e madhe jo vetëm për familjen, por edhe për shokët.”, ka thënë ai.
Shkrimi i plotë:
Paska ndërruar jetë, veterani i UÇK-së, Enver Xhota nga fshati Dritan ish Dobroshec.
Ikja e papritur e Enverit nga kjo botë është humbje e madhe jo vetëm për familjen, por edhe për shokët.
Enver Xhota, ishte një luftëtar i përkushtuar duke qenë pjesë e Ushtrisë Çlirimtare të Kosovës.
Në emër të Degës së OVL-së në Drenas , iu shpreh ngushëllime familjes Xhota, miqve, dhe bashkëluftëtarëve të Enverit.
I qoftë i lehtë dheu i Kosovës!
