Kryeshefi ekzekutiv i Telekomit të Kosovës, Bedri Istrefi, ka thënë se ndihet i turpëruar nga paga e tij shumë e lartë. Ai ka kërkuar t’i ulet ajo. Sipas tij, 1 muaj pasi mori detyrën kërkoi që pagat të ulen, mirëpo shton se ai këtë gjë nuk ka të drejtë ta bëjë vetë.
“Dëgjo, paga jem është 5180 euro. Edhe në bordin e kaluar, kërkesë me shkrim kam bërë, 1 muaj pasi e kam marrë detyrën e kryeshefit, kam kërkuar që të ulen pagat. Jam duke u ndjerë i turpëruar në cfarë situate jam duke menaxhuar e të kem një pagë të tillë. NUk kam të drejtë unë t’ia ulë pagën vetes. Unë këtë pagë që e kam sot, e kom gjetë në Telekom”, ka thënë Istrefi në “Dukagjin”.
