Në rrugën “Rexhep Luci” në Prishtinë, u bë shpalosja e pllakës përkujtimore të njërës prej bazave të Ushtrisë Çlirimtare të Kosovës.
Më saktësisht në banesën e babait të kreut të Nismas Fatmir Limajt.
Djali i Kadri Limajt, Demir Limaj, tha se në këtë banesë kanë qëndruar figurat e UÇK-së dhe shumë plane operative janë bërë në këtë banesë.
Ndërsa, Fatmir Sopi, kryetari i OVL UÇK-së dega në Prishtinë, tha se kjo është baza ku janë marrë vendime të rëndësishme.
“Unë falënderoj familjen Limaj që kanë pasur guxim që banesën e tij ta lëshojë në shërbim të ushtarëve të UÇK-së”, tha Sopi./Fokusi.info/
