Një person po dyshohet se është vetëvrarë sot në rrugën “Luan Haradinaj” në Deçan.
Policia ka bërë të ditur se rreth orës 07:40 janë informuar që në rrugën “Luan Haradinaj” në Deçan një person ka pësuar lëndime trupore.
“Njësitë relevante kanë dalë në vendin e ngjarjes, ndërsa personi i lënduar është dërguar në Spitalin Rajonal në Pejë dhe nga ky spital, rreth orës 08:30, jemi njoftuar se personi i lënduar ka ndërruar jetë”, kanë bërë të ditur Policia e Deçanit.
Prokuroria Themelore në Pejë ka nisur hetimet, ndërsa ka thënë se dyshimet e para janë për vetëvrasje.
“Prokurori kujdestar ka dalë në vend të ngjarjes bashkë me Policinë e Kosovës. Dyshimet fillestare janë se viktima është vetëvrarë. Trupi pajetë i viktimës është dërguar për obduksion”, ka thënë zëdhënësi i Prokurorisë, Shkodran Nikçi./Fokusi.info/