Ushtruesi i detyrës së kryetarit të Organizatës së Veteranëve të UÇK-së, Faton Klinaku, ka bërë të di9tur se mbështesin dhe do të marrin pjesë në protestë të që do të mbahet të shtunën (nesër) kundër Qeverisë.
Klinaku ka ftuar qytetarët të marrin pjesë në këtë protestë.
“Organizatat e dala nga lufta e UÇK-së e mbështesin dhe do marrin pjesë në protestën e nesërme. Merrni pjesë edhe ju!”, ka shkruar Kilnku në Facebook.
Sipas një njoftimi ne rrjete sociale, protesta do të nisë në orën 18:00, në kundërshtim, siç i ka quajtur “skandaleve qeveritare”, që lidhen edhe me miratimin e pagës minimale, nga e cila janë lënë jashtë veteranët.
“Kundër koordinimit me Milan Radojçiqin! Kundër shkeljes së të drejtave të luftëtarëve të UÇK! Ligji që përjashton veteranët nga paga minimale, u votua turpshëm nga shumica parlamentare. Prandaj kërkojmë nga presidentja që ta kthejë mbrapsht këtë ligj të padrejtë dhe antiUÇK”, thuhet në njoftimin për protestë.
