Partia Demokratike e Kosovës në vigjilje të përvjetorit të 14-të të shpalljes së pavarësisë së Kosovës ka publikuar një video të kryeministrit të atëhershëm të Kosovës, njëkohësisht kryetarit të kësaj partie në atë periudhë, Hashim Thaçit duke lexuar Deklaratën e Pavarësisë së Kosovës.
Video është publikuar në faqen e PDK-së në Facebook me citatin historik të Hashim Thaçit “shpallim Kosovën shtet të pavarur dhe demokratik”.
Postimi i plotë i Partisë Demokratike të Kosovës:
“Duke ndjerë rrahjet e zemrës së stërgjyshërve tanë, ne, udhëheqësit e popullit tonë, të zgjedhur në mënyrë demokratike, nëpërmjet kësaj deklarate, shpallim Kosovën shtet të pavarur dhe demokratik”, Hashim Thaçi, 17 shkurt 2008.
