Drejtori i të ashtuquajturës Zyre për Kosovën në qeverinë serbe, Petar Petkoviq, ka thënë se kryeministri i Kosovës, Albin Kurti, nuk mund të vendosë për afatin kohor të përfundimit të dialogut.
Kjo vjen pas deklaratës së kryeministrit Kurti dhe zëvendësit të tij, Besnik Bislimi, se është e pritshme që marrëveshja me Serbinë të arrihet gjatë mandatit të tij, njofton Klan Kosova.
“Ndryshe nga pretendimet e kryenegociatorit të Prishtinës, Besnik Bislimi, nuk ka afate të Kurtit në dialogun ndërmjet Beogradit dhe Prishtinës dhe probabiliteti për arritjen e marrëveshjes nuk matet me njësi të kohës, por me gatishmërinë e Prishtinës për të respektuar marrëveshjet e arritura deri më tani. dhe mundësojnë krijimin e Asociacionit të Komunave me Shumicë Serbe”, ka thënë Petkoviq, shkruan Tanjug.
“Duke gjykuar nga deklaratat e Besnik Bislimit dhe shefit të tij Kurti, të cilët e mohojnë mundësinë e krijimit të Asociacionit, s’mund t’i shihet fundi dialogut derisa Prishtina nuk e zbatoi atë që e ka nënshkruar nëntë vjet më parë, në fillim të dialogut”.
