Tashmë e dimë që pjesa më e madhe e atyre që kanë kaluar Covid-19 krijojnë antitrupa dhe fitojnë imunitet. Sipas Pëllumb Piperos dhe imunologut Genc Sulcebe këta përsona nuk kanë nevojë të bëjnë vaksinën.
Në një intervistë, i pyetur nëse duhet ta bëjnë vaksinën personat që tashmë e kanë kaluar virusin, Pipero tha:
“Unë kam pasur dhe kam mendimin se personat që e kalojnë Covid-19 me ose pa nevojshmëri klinike, jo vetëm përballin një sfidë, por edhe krijojnë imunitet natyral, i mjaftueshëm dhe i vlefshëm për një kohë relativisht të gjatë, ndoshta për gjithë jetën, kjo ngelet për t’u parë natyrisht, ndaj mendoj se nuk e kanë të rekomanduar vaksinimin, madje nuk e kanë as të nevojshëm edhe pse nuk ju bën dem, përkundrazi! Gjithsesi varet nga udhëzimet e OBSH dhe politikave lokale ta aplikojnë apo jo vaksinën, në ketë rast unë do mendoja që ata të ishin fasha e fundit për ta aplikuar.”
