Policia e Rajonit të Ferizajt dje ka zhvilluar një aksion kundër lojërave të fatit të cilat në Kosovë po veprojnë në mënyrë ilegale.
Ky aksion i policisë që nisi herët mbaroi në orën 01:00 pas mesnate.
Major Mehmetali Hajdini në policinë e Ferizajt, ka treguar detaje nga aksioni i mbrëmshëm.
Ai ka thënë se 9 persona janë shoqëruar në polici për shkak të lojërave të kundërligjshme.
“Aksioni ka mbaruar dikund rreth orës 01:00 pas mesnate. Janë konfiskuar disa materiale si kompjuterë, telefona mobilë, fletëpagesa në lidhje me lojërat e fatit.
“Janë shoqëruar në stacionin policor 9 persona, prej tyre 6 janë ndaluar në mbajtje me urdhër të prokurorisë, për 48 orë”, ka thënë Hajdini.
Ai ka bërë të ditur se ky aksion ka goditur 8 lokacione, ku janë konfiskuar prova të ndryshme materiale. Ato do të shërbejnë për hetime të mëtutjeshme.
