Qeveria e Kosovës ka miratuar buxhetin për vitin 2022 në vlerë prej 2,748,000,000.
Ministri i Financave, Hekuran Murati, në mbledhjen e sotme të Qeverisë ka thënë se që nga maji i këtij viti kanë zhvilluar konsultime intensive që ky draftbuxhet të reflektojë prioritetet qeverisëse.
“Projektbuxheti i vitit 2022 ka për qëllim konsolidimin e ringjalljes ekonomike pas COVID-19, sigurimin e qëndrueshmërisë së financave publike, riorientimin e ekonmosië drejt prodhimit dhe eksportit dhe përkrahjen e punësimit të zhvillimit të qëndrueshëm. Si tërësi buxheti i vitit 2022 pritet të arrijë vlerën e 2,748,000,000 duke shënuar një rritje prej 8,7 për qind krahasuar me buxhetin e rishikuar të këtij viti”.
