Kryeministri i Shqipërisë, Edi Rama, ka reaguar ndaj deklaratave të kreut të Republikës Sërpska, Milorad Dodik, i cili ka thënë se serbët që jetojnë në Ballkan duhet të bashkohen në një shtet.
Rama përmes platformës X, shprehet i befasuar, specifikisht ndaj mosreagimit të deritashëm të partnerëve të BE-së, ndaj siç i quan të tillave deklarata nxitëse.
”Kanë kaluar tri ditë që nga deklaratat e rrezikshme dhe nxitëse kundër Bosnje-Hercegovinës, Kosovës dhe Malit të Zi. Duhet të rrëfej, jam i befasuar nga mungesa e reagimit të deritanishëm nga partnerët tanë të BE-së dhe sinqerisht shpresoj që kjo heshtje të thyhet sa më shpejt!”.
