Kryetari i Nisma Socialdemokrate, Fatmir Limaj, ka reaguar në lidhje me vizitën e Kurtit në Bruksel.Në reagimin e tij thuhet se Albin Kurti përmes heshtjes po mundohet ta fshehë arsyen e vërtetë të vizitës në Bruksel.
Me anë të një shkrimi në Facebook, Limaj ka thënë se takimi në Bruksel po bëhet për rifillimin e dialogut Kosovë-Serbi.
“Në fakt ai ka zgjedhur të jetë jo-transparent për këtë temë që nga marrja e detyrës duke mos dhënë qëndrim të qartë në dokumentet që tani po qarkullojnë në publik të cilësuara si ‘Non Paper”, ka shkruar ai.
Më poshtë reagimi i plotë:
Albin Kurti po mundohet të fshehë arsyen e udhëtimit për Bruksel përmes heshtjes.
Takimi në Bruksel po mbahet për rifillim të dialogut me Serbinë.
Në fakt ai ka zgjedhur të jetë jo-transparent për këtë temë që nga marrja e detyrës duke mos dhënë qëndrim të qartë në dokumentet që tani po qarkullojnë në publik të cilësuara si “Non Paper”.
Kryeministër, trego cili është qëndrimi i juaj për to dhe njoftoe opinionin për agjendën e takimeve në Bruksel. FL