Dy persona derisa ishin duke pritur në radhë për pagesë në një market në rrugën “Ibrahim Rugova” në Prizren, kanë sulmuar fizikisht njëri tjetrin.
Burimet e IndeksOnline brenda policisë kanë thënë se i dyshuari i parë me inicialet R.Xh., ka marrë lëndime trupore në hundë dhe ka pranuar ndihmën mjekësore në spitalin Rajonal në Prizren, ndërsa tjetri është larguar në drejtim të panjohur.
Motivet e rastit ende nuk dihen. Lidhur me rastin është informuar policia dhe prokurori kujdestar. Hetimet përkitazi me rastin ende janë duke vazhduar./IndeksOnline/