Situata mes Greqisë dhe Turqisë duket se po tensionohet çdo ditë e më shumë. Mesnatën e djeshme një roje bregdetare greke ka hapur zjarr një jahti turk.
Lajmi është pasqyruar në mediat e dy vendeve. Media turke shkruan se në deklaratën e komandës turke u tha sot se dy shtetas turq dhe një sirian u plagosën dhe jahti u fundos për shkak të sulmit.
Sulmi ndodhi në ujërat Greke, 7.2 milje nga krahina Mugla e Turqisë. Pas sulmit personat e plagosur u dërguan në Spitalin Shtetëror Marmaris nga ekipi turk i shpëtimit.
Ndërkohë sipas mediave greke jahti i dyshimtë u sinjalizua të ndalonte por piloti i saj bëri manovra të rrezikshme dhe u qëllua për të neutralizuar./abcnews.al
