Partia Socialdemokrate e Kosovës ka zhvilluar një aksion në lidhje me raportimet për një aferë korruptive ku është i përfshirë këshilltari i Liburn Aliut, Florent Ramqaj.
Disa aktivistë të kësaj partie kanë dalë në rrugën Dollc – Gjakovë, duke vendosur disa tabela me mbishkrimin “Rruga e Dajës së Vetëvendosjes” dhe “10 mijë euro, 20 mijë pasi t’kryhet”.
Kryetari i PSD-së, Dardan Molliqaj, ka thënë se bizneset e mëdha kanë ndikim në institucionet e shtetit.
Sipas tij, paratë kanë qarkulluar mes kompanive private teksa puna është kryer në institucionet shtetërore.
Postimi i plotë:
Rruga e dajës së VETËVENDOSJ€!-s
“Daja” është emri nepotist i kapitalizmit grabitqar.
Problem aq sa vetë fenomeni është shpjegimi i tij. Përqendrimi i vëmendjes ka qenë tek afërsia familjare me njerëzit e pushtetit, dhe sidomos kërkesa për ta gjetur me çdo kusht zyrtarin e korruptuar.
Kjo përhumbje te daja, tezja ose zyrtari i korruptuar ka lënë jashtë vëmendjes operacionin strukturor: ndikimi i bizneseve të mëdha në institucionet e shtetit. Një klasë e tërë pasunarësh është majmur me miliona nga lejet, licencat e tenderët publik. Akumulimi i tyre është grabitje e pastër e pasurisë publike. Paratë dëgjuam se po përmenden midis kompanive private, puna është kryer në shtet.
