Ish-Komandanti UÇK-së, ZO e Llapit, Rrustem Mustafa – Remi ka kërkuar nga presidenti i Serbisë, Aleksandar Vuçiq që ta ndalë poshtërimin që po e bën, duke përmendur kështu rastin e fundit të kidnapimit të tre policëve kosovarë nga forcat serbe, përcjell Fokusi.info.
Sipas Remit, rrëmbimet, burgosjet, trajtimet jo njerëzore që ka bërë Serbia me vite të tëra ndaj kosovarëve kanë prodhuar forcën tek populli I Kosovës “Dhe jemi të lirë”.
Ky është postimi i plotë i tij:
Ndale poshtërimin President!
Vuçiq: “Tre policët po hanë torte e rrush, kërkesën e Orbanit do ta shqyrtojmë me kujdes…”
_Ne i themi, kujdesu dhe ruaje rrushin dhe torten për vete, djemtë që ke rrëmbyer lejoj të lirë.
Rrëmbimet, burgosjet, trajtimet jo njerëzore që keni bërë në të kaluarën kanë prodhuar forcën tek populli dhe jemi të lirë!
Mos provokoni mision kundër jush, populli shqiptarë dëshiron dhe ka interesa të jetojmë në qetësi, kurr më të nënshtruar nga kushdo që synon nënshtrimin…
Duam të jetojmë në paqe, mos u ngatërroni me dikë që ju e njihni mirë!
