Sot është e martë, 9 prill dhe për ditën e sotme janë paralajmëruar këto ngjarje:
Nën përkujdesjen e kryeministrit të Kosovës, Ramush Haradinaj, në Koshare organizohet manifestimi tradicional “Ditët e Shqipes – 2019” për nder të Betejës së Koshares. Homazhet te varrezat e dëshmorëve ora 10.00-12.00 dhe tubimi përkujtimor ora 12.00.
Ministrja e Kulturës e Shqipërisë, Elva Margariti dhe ministri i Kulturës, Rinisë dhe Sporteve të Kosovës, Kujtim Gashi nënshkruajnë kalendarin kulturor Shqipëri-Kosovë.(Ambientet e Ministrisë së Kulturës, Salla “Tefta Tashko”,Tiranë, ora 11:00)
Në kuadër të manifestimit tradicional “Ditët e Shqipes 2019”, për nder të 20-vjetorit të Betejës së Koshares, presidenti i Kosovës, Hashim Thaçi, bën homazhe te varrezat e dëshmorëve dhe merr pjesë në tubimin përkujtimor. (Kompleksi Memorial i Betejës së Koshares, Koshare, ora 11.45)
Mbahet mbledhja e Këshillit Drejtues dhe kryetarëve të niveleve komunale si dhe të universiteteve për të diskutuar lidhur me takimin me ministrin Shyqiri Bytyqi dhe debatin me Komisionin Parlamentar për Amësim. (Salla e takimeve në Qendrën e studentëve, te zyrat e SBASHK-ut, ora 11.00)
Me rastin e përvjetorit të rënies heroike të dëshmorit të kombit Dukagjin Vula bëhen homazhe në varrezat e dëshmorëve në Koshare. (Ora 11:00) Nisma e të Rinjve për të Drejtat e Njeriut – Kosovë (YIHR KS) mban aktivitete rrugore për nder të Ditës së Kushtetutës. (Mitrovicë, sheshi ‘Isa Boletini’, ora 11:00 dhe Prishtinë, sheshi ‘Skenderbeu’, ora 16:00)
Zbulohet pllaka përkujtimore e dëshmorit Dukagjin Vula. (Te shtëpia e dëshmorit në rrugën “Bajram Curri” nr. 68, ora 16.00)
