Ka shkuar në 33 numri i të vdekurve si pasojë e një orteku bore që ra sot në një autostradë malore në provincën Van të Turqisë, duke shkaktuar kështu edhe lëndimin e më shumë se 50 personave të tjerë.
Në mesin e të vdekurve janë 8 policë, 3 roje sigurie, një zjarrfikës dhe 9 civilë.
Kërkimet dhe përpjekjet e shpëtimit janë duke vazhduar, por raportohet se ato po pengohen nga mjegulla, bora dhe era e fortë.
Zëdhënësi i Presidencës, İbrahim Kalın është lutur për shërimin e të dëmtuarve.
“Uroj mëshirë nga Zoti dhe shërim urgjent për të dëmtuarit, ka shkruar Kalin në llogarinë e tij në Twitter./Gazeta Sinjali/
