Kryeministri i Kosovës, Albin Kurti nuk ka kursyer edhe sot kritikat ndaj sindikatave që po vazhdojnë grevën.
Në një prononcim para mediave, Kurti i ka cilësuar sindikatat si të “PAN-it”, duke shkaktuar kështu reagime të shumta.
Kurtit i ka reaguar edhe deputetja dhe nënkryetarja e PDK-së, Vlora Çitaku.
Në një postim në Facebook, Çitaku e ka cilësuar veprimin e kryeministrit si të “dobët”.
“Dobët kryeministër, dobët. Në vend se të ulet e të bëjë zgjidhje, Kurti paska vendosur edhe sot të thumbojë mësueset dhe arsimtarët tanë. Njëhere, njerëzit e VV e quajtën kryesindikalistin njeri të Serbisë, e sot, Kryeministri i paska quajtur sindikatat ‘sindikata të PAN-it’”, ka shkruar Çitaku.
Ajo ka thënë se duket që Kurti e ka problem ta kuptojë që në Kosovë ka organizata, sindikata, media, shoqata të pavarura, të cilat nuk nënshtrohen.
“Si duket e ka problem të kuptojë që ka njerëz që vendimet i marrin vet. Si duket e ka telashe me e pranu që jo të gjithë ia kanë frikën. Kryeministër, ju jeni Kryeministër i Kosovës, jo i VV-së. Fatkeqësisht nuk po silleni si i tillë”, ka shkruar ajo.
Në fund, Çitaku ka thënë se tashmë jemi më 25 shtator dhe fëmijët po vazhdojnë të jenë në shtëpi, duke kërkuar kështu nga Kurti hapjen e shkollave duke gjetur zgjidhje me grevistët.
Postimi i plotë:
Dobët Kryeministër, dobët.
Në vend se të ulet e të bëjë zgjidhje, Kurti paska vendosur edhe sot të thumbojë mësueset dhe arsimtarët tanë.
Njëhere, njerëzit e VV e quajtën kryesindikalistin njeri të Serbisë, e sot, Kryeministri i paska quajtur sindikatat “ sindikata të PAN-it.”
Si duket Kurti e ka problem ta kuptojë që në Kosovë ka organizata, sindikata, media, shoqata të pavarura, të cilat nuk nënshtrohen. Si duket e ka problem të kuptojë që ka njerëz që vendimet i marrin vet. Si duket e ka telashe me e pranu që jo të gjithë ia kanë frikën.
Kryeministër, ju jeni Kryeministër i Kosovës, jo i VV-së. Fatkeqësisht nuk po silleni si i tillë.
Jemi me 25 shtator, e fëmijët tanë janë në shtëpi. Hapi dyert e shkollave Kryeministër. Çelësat i ke në dorë ti. /Fokusi.info/