Banorët e lagjes “Mati 1” në Prishtinë sot do të dalin në protestë me arsyen se po neglizhohen nga komuna e Prishtinës.
Ata protestojnë kundër baltës, pluhurit, zhurmës dhe disa problemeve të tjera që ka kjo lagje, njofton Klan Kosova.
“Ne si banorë, shprehim indinjatën e thellë ndaj organeve komunale, ndaj injorimit dhe neglizhencës në raport me lagjen tonë”, thonë organizuesit e protestës.
Protesta do të mbahet nga ora 18:00 deri 18:30 tek hyrja në rrugën “Muharrem Fejza”.
