Sekretari i Përgjithshëm i NATO’s, Jens Stoltenberg i quajti tronditëse skenat e zhvilluara në Washington.
Me anë të një postimi në Twitter Sekretari i Përgjithsëm i NATO’s, Jens Stoltenberg i ka quajtur pamje tronditëse skenat e zhvilluara në Kapitol.
“Skena tronditëse në Washington, D.C. Rezultati i këtyre zgjedhjeve demokratike duhet të respektohet”, shkroi Stoltenberg në Twitter.
Komentet e tij erdhën ndërsa imazhet televizive treguan protestues që sulmonin ndërtesën e Kapitolit të SHBA dhe skena të dhunës.
