Sot do të vazhdojë procesi gjyqësor ndaj ish-pjesëtarit të Ushtrisë Çlirimtare të Kosovës, Salih Mustafa.
Procesi i tij gjyqësor pritet të fillojë në ora 9 e 30 dhe të përfundojë në 16.
Deri tani në gjykimin e ish-pjesëtarit të UÇK-së janë dëgjuar dhjetë dëshmitarë.
Aktakuza ndaj Mustafës është konfirmuar më 12 qershor 2020, ndërsa ai u arrestua më 24 shtator të vitit të kaluar, me pretendime për krime lufte.
Ai po qëndron në qendrën e paraburgimit në Hagë, ndërsa në deklarimin e tij para trupit gjykues është deklaruar i pafajshëm./Fokusi.info/
