Ka humbur betejën me koronavirus edhe një persona nga Kamenica.
Lajmin e ka bërë të ditur kryetari i kësaj komune, Qëndron Kastrati, në Facebook.
Në njoftimin e Kastratit thuhet se ky është rasti i katërt nga Kamenica i cili ka humbur betejën me Covid-19.
“Për fat të keq edhe një qytetar i yni i diagnostikuar me COVID19 e ka humbur betejën me këtë virus. Ky është rasti i katërt në Komunën e Kamenicës që ka përfunduar me vdekje”, shkruan Kastrati.
Ai ka apeluar tek qytetarët që të kenë kujdes dhe të respektojnë masat.
“Ju lutem që të kujdeseni maksimalisht në respektimin e udhëzimeve. Vendos maskën, pastro duart e mbaj distancë, sepse vetëm kujdesi i secilit prej jush, përbën kontribut të jashtëzakonshëm në parandalimin e shpërndarjes së virusit”.
