Një person ka mbetur i vdekur si pasojë e një vetaksidenti që ka ndodhur në fshatin Poqest të Pejës.
Lajmin e ka konfirmuar zëdhënësi i policisë për rajonin e Pejës, Fadil Gashi.
“Rreth orës 18:10 policia është njoftuar për një vetaksident në fshatin Poqest të Pejës. Policia ka dalë në vend të ngjarjes, ndërsa i lënduar është dërguar në Spitalin e Pejës, ku vdekjen e ka konstatuar mjeku kujdestar”, tha Gashi.
Ai tha se njësitet përkatëse të policisë janë në vend të ngjarjes, të cilët po i hetojnë shkaqet e vetaksidentit.
