Ministri i Punëve të Brendshme dhe Administratës Publike, Agim Veliu ka theksuar përkrahjen e fuqishme për pjesëtarët e Policisë së Kosovës dhe përkrahjen maksimale që të kompensohen dhe stimulohen për punën dhe angazhimin e tyre gjatë kësaj periudhe.
Këtë deklaratë Veliu e bëri pas takimit që pati me Kryetaren e Sindikatës së Policisë së Kosovës, Valbon Kamberi dhe përfaqësuesin e Degës së Sindikatës në Gjilan, Ragip Ajeti.
Gjatë këtij takimi është diskutuar për kushtet dhe sfidat me të cilat po ballafaqohen Policia e Kosovës.
Njoftimi i plotë:
Sot prita në takim Kryetaren e Sindikatës së Policisë së Kosovës, Valbona Kamberi dhe Ragip Ajeti, përfaqësues i Degës së Sindikatës në Gjilan.
Diskutuam për kushtet dhe sfidat me të cilat po ballafaqohen pjesëtarët e Policisë së Kosovës, në menaxhimin e situatës së pandemisë COVID-19.
Theksova përkrahjen e fuqishme për Policinë e Kosovës dhe përpjekjen maksimale që të gjithë pjesëtarët e Policisë të kompensohen dhe stimulohen për punën dhe angazhimin e tyre gjatë kësaj periudhe.