Policia ka njoftuar se pas pranimit të informatave për një rast gjuajtje me armë zjarri në fshatin Greme kohë më parë, njësiti kompetent kanë bastisur një shtëpi dhe kanë gjetur kallashnikov.
Aksioni i policisë erdhi pasi në një video të xhiruar në telefon shihet personi duke gjuajtur me armë.
“Hetuesit e Sektorit rajonal në Ferizaj kanë ndërmarrë veprimet e duhura policore dhe gjatë bastisjes në shtëpinë e të dyshuarit E.G. (m/Kosovar 19 vjeç) kanë gjetur dhe konfiskuar: një armë AK-47 e kalibrit 7,62 mm, një karikator i zbrazët si dhe një bajonetë.
Është njoftuar Prokuroria Themelore në Ferizaj, ku pas konsultimit me prokurorin e shtetit, i dyshuari lirohet dhe rasti shkon në procedurë të rregullt.