Një skenë tragjike ka ndodhur në Zvicër, ku mbetën të vdekur dy persona dhe u plagos rëndë një grua me prejardhje nga Kosova.
Krejt ngjarja nisi për shkak të xhelozisë së italianit 51-vjeçar Sandro E, ish-bashkëshortit të kosovares, prej të cilit ajo ishte ndarë në muajin maj.
51 vjeçari fillimisht e vrau një bashkëkombas të tij në Gaggiolo në kantonin e Ticinos, duke ia prerë rrugën në një mal.
Ai e qëlloi viktimën dy herë në gjoks Davide B 47 vjeçar, i cili nuk arriti të mbijetoi.
Pas aktit të kryer, ish-bashkëshorti i kosovares niset drejt banjës termale, në Stabio ku punonte si pastruese 45 vjeçarja nga Kosova Elena E.
Ish-burri i saj e qëllon me armë pjesën e sipërme të trupit, duke e lënë të plagosur rëndë atë, shkruan Blick.ch.
Pas aktit makabër, ish-burri i kosovares kreu vetëvrasje.
Një punonjëse e një restoranti aty afër e përshkroi ngjarjen si të tmerrshme.
Aksaya Arulananthan, tregon se si e kishte hasur kosovaren të shtirë në korridor teksa po kalonte andej pari duke shkuar në punë tha ajo për Blick.ch përcjell Klankosova.tv.
“E pash tek hyrja një grua e cila lutej për ndihmë. Bluza e saj e bardhë ishte mbuluar nga gjaku. Ka qenë e tmerrshme. Njerëzit dolën nga veturat dhe bërtisnin. Unë i thirra policinë dhe ekipet e emergjencës” – tha ajo.
Një grua tjetër nuk mund ta besonte se kjo mund të ndodhte
Erika Malinverno e njihte mirë gruan nga Kosova tha se Elena ishte një grua e mirë
“Elenën e njoh mirë. Është grua e mirë. Ajo kishte shumë probleme me burrin e saj kohëve të fundit të cilin e kishte edhe shumë xheloz. Ajo qante vazhdimisht kohëve të fundit. Elena ishte ndarë nga burri i saj dhe me gjasë e ka gjetur një burrë tjetër. Nuk do ta besoja se kjo mund të ndodhte”- tha ajo.
