Drejtoresha ekzekutive e kompanisë ‘Frutti’, Rina Malsori ka marrë çmimin prestigjioz “40 under 40”, që i është ndarë në Samitin e Elitës së Bizneseve të mbajtur në Amsterdam.
Lajmin e ka bërë të ditur vet Rina përmes një postimi në Facebook.
Ajo ka thënë se sa herë Kompania “Frutti” merr çmim, inspirohen të punojnë edhe më shumë.
“Sa herë kurorëzohemi me një çmim në Frutti, ne inspirohemi që të punojmë edhe më shumë, të jemi të kujdesshëm në detaje, me sjellje të përgjegjshme, gjithmonë inovativ e gjithmonë pranë konsumatorit. Pse e ceka ne? – Sepse ky çmim nuk kish pas vlerë pa kolegët e mi të mrekullueshëm në Frutti dhe bashkëpunëtorët tonë”, ka shkruar Rina.
Bordi Këshillëdhënës i Samitit e kishte nominuar paraprakisht Rinën për çmimin e madh “40 under 40”.
Samiti Elitës së Bizneseve “40 under 40”, mbahet në Amsterdam, ku ndahen çmime për të rinjtë nën moshën 40 vjeç, që janë udhëheqës të suksesshëm të bizneseve në regjionin e Evropës Juglindore.
