Një shpërthimi i fuqishëm tronditi pasditen e të martës Bejrutin, kryeqytetin e Libanit.
Mediat ndërkombëtare raportojnë për një numër të konsiderueshëm të vdekurish dhe mbi 2000 persona të plagosur.
Konsulli i nderit të Shqipërisë në Liban, Marc Ghorayeb, ka dhënë detaje nëse në dijeninë e tij në Bejrut ndodhej ndonjë shtetas shqiptarë si vizitor, për qëllime biznesi apo si i punësuar në portin ku ndodhi shpërthimi.
Marc Ghorayeb sqaroi se:
“Faleminderit që më pyesni për atë çfarë ka ndodhur në Liban. Ishte një shpërthim shumë i madh. Ndoshta më i madhi ndodhur ndonjëherë në këtë rajon. Deri më tani nuk kemi asnjë lajm për shqiptarë të vdekur apo të plagosur pasi presim nga policia raportet zyrtare. Janë disa shqiptarë që punojnë shumë larg Bejrutit në zonën e njohur si Tripoli Libanit në veri dhe disa të tjerë në zonën e Bekaa. Ata janë mirë.
Mund t’ju them se të plagosurit deri më tani janë mbi 5.000. Shumë kanë humbur shtëpitë dhe spitalet janë plot. 50 të vdekur deri më tani. Nëse do të kemi të reja do t’ju themi. Nëse ndonjë shqiptarë ndodhet në Liban të mos hezitojë të kontaktojë konsullatën në numrin që ndodhet online. Mos hezitoni të na kontaktoni.
Kam një thirrje për të gjithë ata shqiptarë që mund të kenë hyrë në Liban të regjistrohen në konsullatë dhe të na thonë për situatën ku ndodhen”, tha ai për TCH.
