Agim Bahtiri e ka pranuar humbjen në Mitrovicë. Ish-kryetari ka njoftuar se mbrëmë e ka telefonuar Bedri Hamzën dhe e ka uruar për fitore.
Bahtiri ka thënë se i ka kërkuar Hamzës që mos t’i ndërprejë projektet e filluara nga ai.
“Në zgjedhjet e djeshme për kryetar komune, edhe njëherë treguam se zgjedhjet janë të lira dhe demokratike e me një proces pa asnjë problem.
Natyrisht në garë dikush fiton dhe dikush tjetër humb dhe kjo vendoset nga populli. Falenderoj qytetarët që për dy herë radhazi më kanë dhënë besimin mua për të udhëhequr Mitrovicën.
Gjithashtu, falenderoj shumë të gjithë qytetarët që edhe kësaj radhe besuan në mua duke më votuar.
Mbrëmë kam telefonuar kundërkandidatin Bedri Hamza, të cilit i urova fitore. Në këtë bisedë të shkurtër, e sigurova që të gjitha punët do të jenë të përgatitura për t’ia përcjellë kur të vjen procesi i pranim-dorëzimit dhe kërkova që projektet e filluara mos të ndërpriten.
Do të jem gjithmonë në shërbim të Mitrovicës” shkruan Bahtiri në Facebook.
