Një aksident ka ndodhur në autostradën “Arbën Xhaferi” në afërsi të Hanit të Elezit.
Në aksident kanë qenë të përfshirë një kamion dhe një furgon.
Rasti është konfirmuar nga zëdhënësi i policisë Bajram Krasniqi.
Krasniqi tha për klankosova.tv se ka të lënduar mirëpo ende nuk dihet numri i saktë.
Nga Zyra për Media e Policisë së Kosovës, është konfirmuar pastaj se lëndime ka pësuar shoferi i veturës.
“Sot në ora 15:25, në autostradën “Arbën Xhaferi” në KM 56, drejtimi Hani Elezit-Prishtinë, është shkaktuar një aksident trafiku me lëndime dhe dëme materiale, të përfshira në aksident janë; një automjet dhe një kamion, meqë rast përveç dëmeve materiale lëndime të rënda trupore ka marrë shoferi i automjetit”, ka thënë Daut Hoxha për Klankosova.tv.
“Deri në këtë fazë ekipet relevante emergjente kane dalë në vendin e aksidentit, i lënduari është përcjell për trajtim mjekësor, ndërsa njësia për kontroll dhe menaxhim të trafikut në autostradë po merret me procedurat tjera në vendin e ngjarjes”.
Apelojmë tek pjesëmarrësit ne trafik, në veçanti tek drejtuesit e automjeteve që gjatë vozitjes së automjeteve të shtojnë vigjilencën e tyre dhe ngasjen e automjetit ta përshtatin me kushtet e rrugës duke respektuar në plotni edhe rregullat që dalin nga ligji trafikut si për kufizimin e shpejtësisë dhe mbajtjen e distancës në mënyrë që të shmangen aksidentet e tilla që shpesh përfundojnë me pasoja tragjike apo humbje të jetëve njerëzore.