Një aksident trafiku ka ndodhur sot në Skënderaj.
Nga ky aksident kanë mbetur të lënduar pesë persona, të cilët janë dërguar menjëherë për trajtim mjekësor.
Lajmin e ka konfirmuar zëdhënësi i policisë për rajonin e Mitrovicës, Avni Zahiti.
“Një aksident trafiku me të lënduar është raportuar sot rreth orës 10:30 në Skënderaj. Të përfshirë në aksident kanë qenë dy vetura civile, ku si pasojë e lëndimeve të pësuara pesë persona kanë kërkuar tretman mjekësor në QKMF, Skënderaj”.
Ata më pas janë dërguar në Spitalin Rajonal në Mitrovicë.
