Policia e Kosovës me njësitet e saj të antidrogës mbrëmë në orët e vona dhe gjatë kanë planifikuar dhe realizuar një operacion taktik antidrogë në Prishtinë, ku janë arrestuar tre persona të dyshuar, si dhe janë gjetur dhe sekuestruar drogë, armë, para, telefona dhe dëshmi tjera relevante për organet e drejtësisë.
Policia ka marrë informacione se në rrugën “Fehmi”Agani” në Prishtinë persona të dyshuar janë duke u marrë me shitblerje të substancave narkotike të llojeve të ndryshme dhe shitjen po e bëjnë kryesisht në nivelin e shpërndarjes lokale-shtigjeve të ndryshme.
“Një parking është ndaluar i dyshuari i parë me iniciale (T.T; data e lindjes: 02.09.1991), i cili është prezantuar me dokument identifikimi të falsifikuar me emër tjetër me iniciale (L.G; data e lindjes:01.06.1992) dokument i lëshuar nga një shtet tjetër dhe gjatë kontrollit të tij i janë gjetur 650 euro para të gatshme në valuta të ndryshme dhe dy telefona celular”, thuhet në njoftim.
Në vazhdën e realizimit të operacionit , policia thotë se në të njëjtin parking është identifikuar dhe ndaluar i dyshuari i dytë me iniciale N.G., 24-vjeçar, ku gjatë kontrollit i janë gjetur 75 euro para te gatshme, një telefon celular dhe çelësat e një banese.
Ndërkohë është arrestuar edhe i dyshuari i tretë, me iniciale D.G., 24-vjeçar, ku gjatë kontrollit të automjetit në derën e saj nga ana e shoferit janë gjetur dy qese të mbushura me kërpudha të dyshuara narkotike me peshë 3.9 gram .
Lidhur me operacionin është njoftuar Prokurori dhe në konsultim me të, është proceduar dhe ka vazhduar operacioni i bastisjes dhe kontrollit në Rr.”Fehmi Agani” në banesën e të dyshuarit me iniciale T.T., e cila dyshohet se ka qenë në shfrytëzim nga tre të dyshuarit e lartpërmendur me iniciale.
Gjatë realizimit të kontrollit në banesë janë gjetur dhe sekuestruar dëshmitë materiale si:
19 qese me substancë të dyshuar narkotike të llojit kërpudha me peshë totale: 38.9 gram;
5 qese me substancë të dyshuar narkotike të llojit TUSI (drogë e re) me peshë totale: 26.6 gram;
19 qese me 518 tableta në formë dhe ngjyra të ndryshme të dyshuara për narkotik të llojit EXTAZY me peshë: 245.9 gram;
7 paketime me substancë të dyshuar narkotike të llojit Marihuanë me peshë: 502.4 gram;
1 cigare e mbështjellë me narkotik të llojit Marihuanë me peshë: 0.7gram;
24 paketime me substancë të dyshuar narkotike të llojit KETAMINË me peshë totale: 764.3 gram;
9 paketime me substancë të dyshuar narkotike të llojit MDMA me peshë: 228.1 gram;
7 paketime me substancë të dyshuar narkotike të llojit SPEED me peshë: 118.1gram;
47 tableta të dyshuara për narkotik të llojit LSD;
28 qese të vogla me substancë të dyshuar narkotike të llojit KOKAINË me peshë totale: 15.2 gram;
1 paketim me substancë të dyshuar narkotike e llojit Kokainë me peshë: 61.2 gram;
97 copë VAPE (cigare Elektronike me përmbajte të kanabis sativa;
1 armë pistoletë 7.62 M57, me një karikator;
1 armë pistoletë 7.62, me një karikator dhe shtatë (7) fishek;
1 llap top ACER;
1 llap top MAC BOOK;
2 peshore digjitale constant per matje në sasi të vogla;
1 paketë me qindra qese të thata për paketim;
2 automjete;
1 motoçikletë;
5 telefona.
Vlera e përafërt e narkotikeve të konfiskuar me çmimin e tregut llogaritet mbi 30 mijë euro.
“Vlen të potencohet se shumica e substancave narkotikeve të konfiskuar janë droga sintetike me përmbajtje të materieve shumë të rrezikshme të cilat konsiderohen shumë të dëmshme për shëndetin e njeriut”, thuhet në njoftim.
Në vendin e ngjarjes kanë dal Njësia K9 dhe njësia rajonale e Fornzikës në Prishtinë, për menaxhimin e provave materiale dhe procedurë të mëtejme.
Tre të dyshuarit e arrestuar në konsultim me prokurorin janë dërguar në qendrën e mbajtjes për 48 orë, përderisa rasti vazhdon të hetohet nga njësia e antidrogës dhe prokuroria kompetente në Prishtinë./teve1.info/
