Policia e Kosovës ka bërë të ditur se ka arrestuar pesë persona në Viti, pasi të njëjtit dyshohen se kanë të përfshirë në një rast ‘’vjedhje e rëndë’’ i ndodhur me datën 01.06.2023 dhe në një rast ‘’grabitje’’ i ndodhur me datën 05.10.2023 në një qendër tregtare në qytetin e Vitisë.
Sipas njoftimit të Policisë së Kosovës, arrestimi i të dyshuarve është bërë si rezultat i kontrollit me leje të prokurorit të shtetit në gjashtë lokacione të ndryshme, transmeton Klankosvoa.tv.
“Drejtoria Rajonale e Policisë Gjilan, Njësiti i Hetimeve Rajonale Gjilan si rezultat i një pune mirë të organizuar operacionale dhe veprimeve hetimore disa mujore kanë arritur që sot me datën 27.11.2023 të lokalizojnë dhe arrestojë pesë (5) të dyshuar meshkuj, kosovar shqiptar G.S. (viti i lindjes 2004), M.M. (viti i lindjes 2000), Z.M. (viti i lindjes 2001), A.M. (viti i lindjes 2002) dhe M.B. (viti i lindjes 2001)”, thuhet në njoftim.
“Të dyshuarit në këto raste kishin arritur që të vidhnin dhe grabisnin shuma të konsiderueshme të parave të gatshme”.
Pas arrestimit të dyshuarit janë intervistuar në prani të avokatëve mbrojtës.
“Prokurori i Shtetit ndaj pesë (5) të dyshuarve ka lëshuar masa e ndalimit për 48 orë dhe ndaj tyre do të ngrihet kallëzim penal për veprat penale ‘’Grabitje’’, ‘’Vjedhje e rëndë’’.
