Asteroid drejt Tokës, reagon NASA

0
268
NASA ka paralajmëruar se një asteroid do të kalojë pranë planetit tonë këtë të enjte. Shkencëtarët e kanë emërtuar me emrin “2019 BC3” asteroidin. Momenti kur ai do t’i afrohet më shumë Tokës do të jetë rreth orës 19:00.
“2019 BC3” do të udhëtojë me një shpejtësi prej 47.500 kilometrash në orë. Fatmirësisht në pikën më të afërt që do kalojë planetin, shkencëtarët kanë përllogaritur se do jetë rreth 4.8 milionë kilometra larg Tokës. Megjithatë kjo distancë nga NASA kondiserohet si e afërt.
Asteroidi ka një diametër rreth 31-69 metrash. Në një reagim, agjencia hapësinore amerikane theksoi se nuk ka asnjë asteroid apo kometë që është në drejtim të Tokës për t’u përplasur.
“Nuk dimë asnjë asteroid apo kometë në kurs përplasjeje me Tokën, kështu që probabiliteti i një përplasje të madhe është shumë i vogël. Në fakt, me aq sa mund të kuptojmë ne, asnjë objekt i madh nuk do të godasë Tokën në të paktën 100 vitet e ardhshme”, u shprehën ata./abcnews.al