Një atentat me armë zjarri ka ndodhur orët e para të së hënës në kthesën e fshatit Turan, në Tepelenë, ku i plagosur ka mbetur një 30-vjeçar.
Ngjarja ka ndodhur rreth orës 3 të mëngjesit të sotëm, ndërsa burime nga policia bëjnë me dije se atentati kishte si objektiv shtetasin Saimir Gjoka nga fshati Turan, por me banim në Tiranë.
Automjeti i tij i tipit “Benz” me targa AA616TK është goditur në xhamin e parmë. Burime policore konfirmojnë se 30-vjeçari Gjoka ka pësuar gërvishtje të lehta në krah. Ai është marrë në pyetje dhe policia po punon për zbardhjen e plotë të ngjarjes./argjirolajm.net
