Zëvendëskryeministri i Kosovës, Besnik Bislimi, e ka uruar VMRO-DPMNE-në për fitoren në zgjedhjet e djeshme parlamentare të mbajtura në Maqedoninë e Veriut.
Duke thënë se tani është detyrë e VMRO-DPMNE-së që ta formojë qeverinë e re me koalicion, Bislimi ka shprehur gatishmërinë e qeverisë për bashkëpunim.
“Kosova është e gatshme të punojë së bashku drejt formimit të marrëdhënieve ndërshtetërore dhe bashkëpunimit rajonal në frymën e mirëkuptimit dhe respektit të ndërsjellë”, tha Bislimi.
Nga partitë shqiptare, “Fronti Europian” ka dalë përpara në zgjedhjet parlamentare me mbi 130 mijë vota, ndërsa koalicioni VLEN ka rreth 30 mijë vota më pak.
Congratulations to VMRO-DPMNE on winning yesterday's parl. election in 🇲🇰 & their upcoming task of forming the new coalition Govt. 🇽🇰 stands ready to jointly work towards strengthening interstate relations & regional cooperation in the spirit of mutual understanding & respect.
— Besnik Bislimi (@BislimiBesnik) May 9, 2024
