Kriptomonedha Bitcoin ka arritur në 60,000 dollarë, në një rekord të ri historik teksa ajo vijon të rritet me shpejtësi.
Kriptomonedha u ngjit më shumë se pesë për qind të shtunën, duke arritur 60,200 dollarë në Binance, shkëmbimi më i madh i kriptovalutave për sa i përket vëllimit të tregtimit.
Rritja e çmimit vjen ndërsa SHBA-ja fillon shpërndarjen e çeqeve si pjesë e një pakete masive stimuluese prej 1.9 trilionë dollarësh. Analistët dhe investitorët kanë spekuluar se shumë amerikanë mund të përdorin paratë për të investuar në bitcoin.
Të martën, vlera e tregut të Bitcoin tejkaloi 1 trilion dollarë për herë të dytë në histori.
Bitcoin ka qenë në rritje pas një korrigjimi të tregut që çoi çmimin e tij duke rënë disa përqind në fund të shkurtit.
