Profesori i filozofisë dhe analisti politk, Blerim Latifi duke folur për shkarkimin e Valdete Deka, ka akuzuar avokatin e Tomë Gashin, duke e quajtur militant të Vetëvendosjes.
Gashi që njihet për anim politik ndaj VV’së, ka arsyetuar shkarkimin e Valdete Dakës nga presidentja Osmani.
Ndërsa Latifi i është drejtuar Gashit se ju jeni më shumë militant i VV’së, se avokat.
“Ti ma shumë je militant i VV’së se avokat” , ka thënë Latifi në Pressing.
Tutje Latifi e ka parë si hakmarrje ndaj Dakës shkarkimin. Ish-kryetarja Daka nuk pati certifikuar kandidat për deputet të VV’së, përfshirë ehde kryeministrin Kurti, për zgjedhjet parlamentare të 14 shkurtit për shkak të dënimeve në formë të prerë nga gjykatat në tri vitet e fundit.
“Është dashtë me e kriju një situatë nga posti i kryesueses së KQZ’së. Sot për herë të parë po dëgjoj që ekziston ky njeri (kryetari i ri i KQZ). Arsyetimi i shkarkimit të kësaj është i dobët, i paqëndrueshëm. Unë nuk besoj se është punë hakmarrjeje për atë që ka ndodhur përgjatë procesit zgjedhor”, deklaroi ai.
