Ministri i Financave, Punës dhe Transfereve, Hekruan Murati, numëroi sot sukseset e Qeverisë sa i përket masave të marra në përballimin e krizës ekonomike në kohën e “sfidave të vazhdueshme globale”.
Sipas Muratit, Kosova tregoi qëndrueshmëri të jashtëzakonshme, përkundër sfidave globale.
Lidhur me këtë ka reaguar, nënkryetarja e PDK-së, Vlora Çitaku, e cila përmes një postimi në llogarinë e saj në Facebook, e këshilloi Ministrin Murati të dal prej zyrës e t’i sheh nga afër bizneset e vogla, mjekët, policët e studentët.
Sipas Çitakut, Ministri i Financave do ta largonte statusin posa ta bënte një gjë të tillë.
Postimi i plotë:
“Ministër, dil pak prej zyrës. Fol pak me biznese të vogla, fol pak me mësuesit, mjekët, policët, studentët.
E kur të kthehesh në zyre pasi të kesh takuar qytetarët e këtij vendi, ke me e fshi vet këtë status”.
