Daut Haradinaj, kandidat i AAK-së për Prishtinën beson se do të jetë fitues i zgjedhjeve lokale për kryeqytetin.
Në një intervistë për lajmi.net, Haradinaj ka thënë se është kandidat i fortë pasi është i prerë ne vendime dhe Prishtinën si duhet një kryetar që guxon.
Mes tjerash Haradinaj ka folur edhe për programin qeverisë i cili pritet tu rezervohet prishtinasve me 11 qershor, ditën e çlirimit.
“Gjithë krejt kjo ushtri njerëzish që po me përkrahin unë pres një rezultat pozitiv, nuk dyshoj. Mendoj dhe besoj se do të jemi në garë në balotazh, pastaj ta shohim se si do të zhvillohet dinamika. Por, me këtë energji, me këtë përkrahje, me këtë listë që e kam, me këtë ekip, me ekspert të fushave të ndryshme, jam shumë i bindur se qytetarë e Prishtinës do t’i japin besimin Daut Haradinajt”, ka thënë ai.
