Deputeti i Lëvizjes Vetëvendosje, Fatmir Humolli, ka thënë se as Kosova dhe as Shqipëria nuk mund t’i zgjedhin problemet duke “vallëzuar në vallen serbe”.
Ai në Info Magazine të Klan Kosova, ka thënë se të dy vendet, kryeministrat Albin Kurti dhe Edi Rama është dashur ta diskutojnë këtë çështje bashkë.
“Është sjellje naive në kuptimin politik i Edi Ramës që ka iniciuar [Balkan Open] por edhe klasa jonë politike në Prishtinë që e ka refuzuar pa e diskutuar gjithçkajen”, ka deklaruar ai.
“Është dashur ta diskutojë gjithsesi”, është përgjigjur ai kur është pyetur nëse Kurti ka bërë mirë që ka refuzuar pjesëmarrjen në këtë nismë”, ka shtuar tutje ai.
Sidoqoftë, përgjatë ditës së sotme, për Gazetën Express nga Qeveria gjermane kanë mbështetur çfarëdo bashkëpunimi rajonal ndërmjet vendeve të Ballkanit Perëndimore.
“Çfarëdo bashkëpunimi rajonal në Ballkanin Perëndimor është i dobishëm. Në të njëjtën kohë, është e rëndësishme që bashkëpunimi të mbetet gjithëpërfshirës dhe i hapur për të gjashtë vendet në rajon. Kjo është arsyeja pse ne e mbështesim fuqishëm Planin e Veprimit për Tregun e Përbashkët Rajonal”, është deklaruar një zëdhënës i Qeverisë gjermane.
