Policia ka dhënë detaje nga aksidenti ku u plagosën dy gra në Malin e Robit. Ngjarja ndodhi rreth orës 12:00, në aksin rrugor tek Rrethi i Golemit në drejtim të Malit të Robit.
Burime zyrtare nga policia pohuan se janë përfshirë në aksident 3 mjete me drejtues shtetasit R.R., J.L., dhe M.D. Si pasojë e përplasjes është dëmtuar drejtuesja e mjetit me inicialet M.D., dhe pasagjerja në mjetin e saj, të cilat u dërguan menjëherë në spital, dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë të rrethanave të ngjarjes.
